Mipahibalo sa Local Government Unit sa Gutalac ang Philippine Army 97th Infantry Battalion pinaagi sa Bravo Company bahin sa ilang umaabot nga semanang military exercises sulod sa teritoryo sa lungsod.
Gidawat ni Mayor Eddie Justin Quimbo ang courtesy visit sa mga sundalo niadtong Hunyo 22 diin gihisgutan ang koordinasyon ug mga preparasyon alang sa maong kalihokan.
Mipadayag usab si Mayor Quimbo sa iyang suporta pinaagi sa paghatag og nagkalain-laing assistance aron masiguro ang hapsay ug malampusong pagpatuman sa military exercises.
Sumala sa LGU Gutalac, ang maong panagtambayayong nagpakita sa lig-on nga koordinasyon tali sa lokal nga panggamhanan ug sa Armed Forces of the Philippines alang sa pagpalig-on sa kalinaw, kahapsay ug seguridad sa komunidad.(JENIFFER JR. DELICA)
Source: LGU Gutalac- Public Information