Nagpalig-on sa ilang panagtambayayong ang kapulisan ug mga opisyal sa barangay sa Dipolog City atol sa Liga ng mga Barangay Meeting nga gihimo sa Barangay Estaka aron mas mapalig-on ang kalinaw ug kahapsay sa komunidad.
Mitambong sa maong tigom ang mga personnel sa Dipolog City Police Station ubos ni PLTCOL Khisna B. Asaali ug mga personnel sa Zamboanga del Norte Police Provincial Office nga gipangulohan ni Provincial Director PCOL Reydante E. Ariza.
Gihisgutan sa tigom ang mga programa ug inisyatiba sa kapulisan nga nagtumong sa pagpalig-on sa seguridad, paglikay sa kriminalidad ug pagsumpo sa ilegal nga droga sa probinsya.
Tumong usab sa maong panagtagbo nga mapalambo ang koordinasyon tali sa kapulisan ug mga barangay aron mapadayon ang luwas, himsog ug drug-free nga palibot alang sa mga estudyante ug sa tibuok komunidad.(JENIFFER JR. DELICA)
Source: PNP Dipolog Police Station