33 C
Manila
Saturday, April 20, 2024

Dipolog: P’gsalabuk street dance competition and festival queen gipahigayon

- Advertisement -

Nagmalampuson ang pagpahigayon sa “P’gsalabuk Street Dance Competition” ug “Festival Queen” sa Kagamhanang Lokal ning dakbayan pinaagi sa buhatan sa City Tourism kaniadtong May 19, 2023 didto sa “Explore Dipolog” nga nahimutang sa Dipolog Boulevard, ning siyudad.

Ang maong kalihokan ang gipahigayon subay sa kasaulogan sa ika-24th P’gsalabuk Festival nga ginasaulog sa bulan sa Mayo, matag tuig.

Mitambong sa nasangpit nga kalihokan si City Mayor Darel Dexter T. Uy, kinsa mipabati sa iyang mensahe sa maong okasyon uban nila ni City Vice Mayor Senen O. Angeles, 2nd District Board Member, Hon. Dante Bagarinao, City Tourism Officer, Ms. Cecil Bilog ug pipila ka mga konsehales gikan sa Sangguniang Panlungsod ug mga “heads of office” sa Kagamhanang Lokal.

Sa gipahigayon nga “P’gsalabuk Street Dancing Showdown Competition” migula nga mananaog ang mosunod: Brgy. Miputak, gideklarar nga “champion” lakip na ang “Best in Choreography”, “Best in Street Dancing” ug “Best in Costume”, Tribu Malinawon – Brgy. Sta. Filomena  nakahakot usab sa 1st Runner Up ug Tribu Mananayaw – Polanco National High School ( nakahakot sa 2nd Runner Up ug “Best in Musicality) samtang gideklarar nga “P’gsalabuk Queen 2023 si Ms. Monica Mimi A. Bunga gikan sa Siari, Sindangan, Zambonga del Norte. Gisundan kini ni Ms. Lucy Grace C. Abapo (1st Runner Up) gikan sa Brgy. Miputak, ning siyudad ug Ms. Janine Yve D. Fortulaso gikan sa Polanco, Zamboanga del Norte (2nd Runner Up).

Nasayran usab nga adunay pito ka mga “contingents” ang misalmot sa maong indigay nga gilangkoban sa Zamboanga City, Polanco ug Sindangan, Zamboanga del Norte, Brgy. Miputak, Sta. Isabel, Turno ug Sta. Filomena, ning siyudad.

Source: DIPOLOG CITY GOVERNMENT Facebook page

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -