Nakabsan gyud sa iyang kinabuhi ang usa ka lolo nga Senior Citizen human tigbasa sa wala matino nga suspetsado.
Didto kini nahitabo sa Barangay Estaca , lungsod sa Compostela, probinsya sa Sugbo, pasado 6:00 sa niaging gabii, Mayo 21, 2023.
Ang biktima mao si Leonilo Sentillas Torres, 60 anyos ang panuigon, residenti rapud sa maong lugar.
Sa inbestigasyon sa Compostela Police Station, nasayran nga ang biktima luwan sa iyang motorsiklo sa dihang gisugat kini sa laing motorsiklo dayon gitigbas sa nagkadaiyang parti sa lawas na maoy hinungdan sa iyang hinalaling kamatayon.
Ang kapulisan nagpalawom pa sa ilang inbestigasyon may labot sa maong krimin.
Samtang ilang gi tutukanan karon ang duha ka mga persons of interest sa pagpatay ni Torres ug ang motibo niini.
via Renante Lada
