Ang mga personahe sa Sibuco Municipal Fire Station aktibong miapil sa usa ka Road Clearing Operation nga gipahigayon didto sa Barangay Lintangan, Sibuco Zamboanga del Norte niadtong Agosto 20, 2025.
Ang maong operasyon gipangulohan ni SFO4 Rey M. Timtim, Acting Municipal Fire Marshal, kauban ang DILG Sibuco, mga opisyal ug kawani sa barangay, ug uban pang pwersa sa seguridad. Ang kalihokan kabahin sa padayon nga adbokasiya alang sa kaluwasan ug kaayohan.
Tumong sa Road Clearing Operation ang paglimpyo sa kalsada, pagtangtang sa sagbot ug uban pang babag, ug pagsiguro nga hapsay ug luwas ang dalan para sa mga motorista ug residente sa lugar.
Pinaagi sa aktibong partisipasyon sa Sibuco Fire Station, mas napalig-on ang koordinasyon sa lokal nga pamunuan ug sa seguridad sa komunidad, ug napakita usab ang dedikasyon sa mga bumbero sa pagserbisyo ug pagpanalipod sa katawhan.(Jumalisa Papa)
Source: BFP R9 Sibuco Municipal Fire Station