Usa ka 74-anyos nga mag-uuma ang nakit-an nga wala nay kinabuhi sa daplin sa sapa sa Barangay Basak, Zamboanguita, pasado alas-7 sa buntag, Agosto 20, 2025.
Ang biktima giila nga si Miguel Cimafranca Baylon, residente sa maong lugar. Sumala sa pamilya, wala na kini makauli sukad pa sa Agosto 19 human misaka sa bukid aron mangumpay alang sa iyang mga kahayupan.
Sa ilang pagpangita, didto nila nakaplagan ang lawas sa tigulang sa daplin sa sapa. Dayon nga mitubag ang kapulisan ug mga personahe sa Zamboanguita Rescue Team aron magsugod sa imbestigasyon.
Sa pagkakaron, wala pa maklaro ang hinungdan sa kamatayon ni Baylon, ug nagpadayon pa ang gihimong imbistigasyon sa mga otoridad.
I via Renante Socia Lada