Napuko ka personahe sa Bureau of Jail Management and Penology (BJMP) sa Salug District Jail ang miapil sa usa ka academic research study nga nagtumong sa paghatag og mas lawom nga pagsabot sa ilang trabaho ug personal nga kasinatian isip mga jail officer.
Ang maong pagtuon nga nag-ulohang “The Lived Experiences of BJMP Personnel” gipangunahan ni Mr. Arvin C. Eting uban sa upat pa ka kauban nga researchers. Gipahigayon kini uban sa tabang ug pagdumala ni JCINSP Samuel A. Nasiad, Jail Warden sa maong pasilidad.
Sumala sa mga tigpahigayon, tumong sa research nga madungog ang tinuod nga mga estorya sa mga personahe ang ilang mga hagit, sakripisyo, ug mga leksyon nga ilang natun-an sa pag-alagad sa publiko.
Pinaagi sa structured interviews ug mga diskusyon, gihatagan og kahigayunan ang mga partisipante nga mopadayag sa ilang personal nga panan-aw sa ilang trabaho, ilabi na sa pagmintinar sa kaluwasan ug pagtabang sa rehabilitasyon sa mga persons deprived of liberty.(IKEN B. GULLEM)
Source: Salug District Jail-BJMP R9