Mitambong si Liloy Mayor Roberto L. Uy, Jr. sa 2025 Local Chief Executives (LCE) Forum cum Tatak Kalahi-CIDSS LGU Awards ug ang National Launching sa Panahon ng Pagkilos: Philippine Community Resilience Project, nga gipahigayon kaniadtong Nobyembre 19, 2025, sa Radisson Blu Hotel, Cebu City.
Ubos sa tema nga “Sustaining the Gains Towards Resilient Communities,” ang forum nagtigom sa mga lokal nga lider gikan sa tibuok nasud aron mapalig-on ang kolaborasyon, mapaayo ang community-driven development, ug mapasiugda ang mga programa nga nagpalambo sa luwas, inclusive, ug disaster-resilient nga mga komunidad.
Gipadayag sa Munisipyo sa Liloy ang padayon nga komitment sa responsive governance ug paghatag gahum sa komunidad pinaagi sa aktibong pag-apil sa mga nasyonal nga kalihukan ug programa.
Ang pag-apil ni Mayor Uy sa forum nagpakita sa padayon nga paningkamot sa Liloy sa pagpalig-on sa kapasidad sa munisipyo sa pag-atubang sa kalamidad ug sa pagpalambo sa kahimtang sa katawhan.(IKEN B. GULLEM)
Source: Municipality of Liloy