Dali nga mitubag ang BFP-Piñan EMS personnel ubos sa pagpanguna ni SFO3 Elmar M. Pagente, Acting Municipal Fire Marshal, sa usa ka aksidente sa kadalanan nga nahitabo sa Barangay Barcelona, Dapitan City, niadtong Mayo 16.
Pag-abot sa lugar, gisiguro dayon sa rescuers ang kaluwasan sa palibot samtang gihimo ang paspas nga assessment sa duha ka pasyente nga nalambigit sa aksidente. Ang unang pasyente nakit-an nga conscious ug naglingkod daplin sa dalan nga adunay gagmay’ng samad sa tuhod, bitiis, ug tiil.
Samtang ang ikaduhang pasyente nakit-an nga naghigda ug nagreklamo og grabeng kasakit sa wala nga bitiis. Gilayon siyang gipahigda sa stretcher aron maseguro ang hapsay ug luwas nga pagdumala sa iyang kahimtang.
Gihatagan dayon og first aid sa mga responder pinaagi sa paglimpyo sa mga samad ug pagbutang og povidone-iodine o Betadine aron malikayan ang impeksyon, samtang gipadayon ang pagmonitor sa kahimtang sa mga pasyente atol sa emergency response operation.(JENIFFER JR. DELICA)
Source: BFP R9 Piñan Fire Station