Aron masiguro ang lig-on nga disiplina ug propesyonalismo sa hanay , gibansay ni PLTCOL Edwin D. Verzon, Force Commander sa ZN 2nd PMFC ang mga kapulisan pinaagi sa Police Information and Continuing Education (PICE) session.
Sa maong kalihokan, gipahinumduman ang mga kapulisan dili lamang sa saktong pamaagi sa operasyon kundili usab sa ilang responsibilidad isip tigpatuman sa balaod ug alagad sa komunidad.
Gihisgutan niini ang Police Operational Procedures partikular ang Rule 2 ug Rule 12, nga naglatid sa hustong pagdumala sa operasyon ug paggamit sa gahum. Gipalawom usab ang pagsabot sa Republic Act No. 10175 o Cybercrime Prevention Act of 2012, ug Republic Act No. 10173 o Data Privacy Act of 2012, ilabi na karon nga mas nagkadaghan ang krimen nga may kalabutan sa teknolohiya ug datos.
Apil usab sa sesyon ang pagrepaso sa Revised PNP Comprehensive Health and Physical Fitness Program aron mapadayon ang kahimsog ug kahandam sa matag miyembro sa pwersa.(IKEN B. GULLEM)
Source: Zamboanga del Norte 2 ND PMFC