Isip pagpangandam sa umaabot nga pag-obserbar sa Semana Santa, gipahigayon sa lokal nga pangagamhanan ang unang coordination meeting alang sa “Katkat Sakripisyo 2026” sa 2nd Floor Social Hall sa City Hall.
Gipangunahan ang maong tigom ni City Legal Officer Atty. Goldie Love P. Gonzales, uban ang City Tourism Officer Ms. Cecil R. Bilog ug mga representante gikan sa nagkalain-laing opisina sa lokal nga panggamhanan.
Nasentro ang diskusyon sa maampingong pagplano, koordinasyon, ug mga kahikayan sa logistics aron masiguro ang malinawon, organisado, ug makahuluganon nga pagpatuman sa kalihokan panahon sa umaabot nga Semana Santa.
Sumala sa mga partisipante, ang inisyal nga tigom kabahin sa padayon nga paningkamot sa kagamhanan sa siyudad sa pagmintinar sa tradisyon samtang gisiguro ang kahapsay, kalinaw, ug kaluwasan sa publiko atol sa maong relihiyosong kalihokan.(IKEN B. GULLEM)
Source: Dipolog City Government