Dili lamang simpleng pag-evacuate ang gipahigayon sa Barangay Olingan niadtong Pebrero 27, 2026, kundili usa ka full-scale simulation nga nagsukod sa aktuwal nga pagdumala sa evacuation center.
Mokabat sa 53 ka residente sa Purok OFISCO ang gi-evacuate padulong sa Dipolog Sports Complex isip kabahin sa KALASAG Zamboanga del Norte Inter-Territorial Defense Operation (KALASAG ZN IATDO). Ang senaryo naglatid sa posibleng pag-atake gikan sa kadagatan.
Si Roel R. Zorrilla sa CSWDO maoy mibarug nga Camp Manager, nga nagdumala sa organisado nga pagdawat ug pagpatuman sa camp protocols.
Samtang, naghiusa ang PNP, BFP, CDRRMO, CHO, 97th Infantry Battalion ug 9th Regional Community Defense Group sa koordinadong pagpatuman sa drill.
Sa laing bahin, kini nga territorial defense operation adunay sentrong aksyon sa Manukan, uban ang pagtutok sa kahandam sa mga coastal communities sa ikaduhang distrito.(IKEN B. GULLEM)
Source: Zamboanga del Norte Provincial News Network