Nakadawat og Perkins Braillers ang mga estudyanteng adunay kapansanan sa panan-aw sa Ilaya National High School human opisyal nga gitunol sa Local Government Unit sa Dapitan City isip kabahin sa programa alang sa inklusibong edukasyon.
Ang maong espesyal nga braille typewriters gamiton sa mga visually impaired learners aron mas mapadali ang pagbasa ug pagsulat sa ilang mga leksyon, nga maghatag kanila og mas dako nga independensya sa pagtuon ug pagpalambo sa ilang akademikong kahimtang.
Gipasiugdahan ang donasyon ubos sa liderato ni Mayor Evelyn T. Uy, pinaagi sa pakigtambayayong ni Sangguniang Panlungsod Member ug Committee on Education Chairman Ruel S. Nadela, kauban ang Department of Education (DepEd) Dapitan City.
Gilauman nga pinaagi sa maong inisyatiba, mas mapalig-on pa ang adbokasiya sa Dapitan City alang sa patas ug accessible nga edukasyon para sa tanang estudyante.(IKEN B. GULLEM)
Source: DepEd Tayo- Division of Dapitan City