Mipagawas og accomplishments report ang Philippine Drug Enforcement Agency kon PDEA-IX, pinaagi ni Investigation Agent-V Ariel L. Escudero, Provincial Officer sa PDEA ning probinsiya sa Zamboanga del Norte, atol sa gipahigayon nga 1st Quarter Provincial Task Force to End Local Communist Armed Conflect kon (PTF-ELCAC) 2nd Quarter Joint Provincial Peace and Order Council (PPOC) Provincial Anti-Drug Abuse Council (PADAC) ug Provincial Development Council (PDC) meeting, nga gipangunahan mismo sa Gobernadora ning Probinsiya, Hon. Rosalina (nanay nene) G. Jalosjos, niadtong Abril 03, 2025 sa may alas 9:00 sa buntag, didto sa Zamboanga Del Norte Convention and Exhibition Center, sa Barangay Estaka, ning dakbayan sa Dipolog.
Unang gibutyag ni Investigation Agent-V Ariel L. Escudero, Provincial Officer sa PDEA ning Probinsiya, tungod matud pa sa ilang gibuhat nga tuloy-tuloy nga operasyon, pinaagi sa 24/7 nga pagpahigayon niini, naka kuha sila pinaka dako nga volume sa iligal nga drogang shabu nga mokabat sa 3,119.2674 grams sa shabu ang ilang nakumpiska sa usa sa Lima nila ka operasyo ug ang pagkasikop sa Pito ka mga indibidwal, diin mikabat ang kinatibuk-ang gidaghanon sa iligal nga drogang shabu ang ilang nakumpiska sa 3, 378.00 grams sa shabu, nga mokapin kini sa tulo ka kilo, ug kini matud pa, unang nahitabo dinhi sulod ning maong Probinsiya.
Tungod kini sa pagkasikop pinaagi sa High-Impact operation ug pinaagi usab sa gipahigayon nga buy-bust operation ning dakbaya sa Dipolog, batok sa usa ka high value target nga si Darwin Asan y Ayyarin, nga nasakmitan og mokabat sa 2,992.36 gramos sa iligal nga drogang shabu, gipatin-aw usab sa maong higayon ni Agent-V Escudero nga sayop ang nahimong pagsabot sa pipila ka mga katawhan, nga adunay iligal nga drogas dinhi sa Probinsiya, tungod kay ang droga wala naga gikan dinhi sa atong area of responsibility kon (AOR).
Dugang pa nga pahayag niini, nga ang transaksyon sa iligal nga drogas naga gikan pa sa Basilan, nahitabo lang matud pa, nga dinhi sa Dipolog napahigayon ang maong transaksyon, ug kon wala pa nila kini nasakote sa ilang tropa, si Agent-V Escudero nakapangutana, kon wala kahay mahibilin nga bahin sa nasangpit nga droga dinhi sa atong Probinsiya.(Angelica T. Obina)
Source: Prov. Information Center(PIC) Zamboanga del Norte-Julius E. Esmade