Gapahigayon ug Press Conference tali na sa mga myembro sa Znppo PressCorps ug ubang media practitioners ngadto kang Zamboanga del Norte Provincial Director Pcol. Rainier Diaz kagahapon sa buntag sa may alas 10 didto sa Camp Hamac,Sicayab Dipolog City.
Sa mga pamahayag ni Pcol. Diaz migawas na sa ilang imbestigasyon nga may kalambigitan sa politika ang pagpusil patay kang ABC President Leopoldo “Dodoy” Atad didto sa Barangay Macleodes lungsod sa Polanco.
Saysay ni PCol. Rainier Diaz, atol sa press conference nga adunay 9 ka indibidwal ang involved niini ug ang 6 niini gipasakaan na kini ug kaso. Matud pa ang 3 wala pa kini gikabutyag apan gipaniguro nila nga sa dili madugay ila kining masikop.Dugang saysay sa PD nga dili una nila ibutyag ang mga pangalan sa mga suspetsado tungod kay kamulo pa ang ilang gihimo nga imbestigasyon.
Dugang saysay ni Pcol. Diaz nga 4 ka anggulo ang ilang gipanglantawan una sa Politika,Ikaduha Family problems, ikatulo sa Negosyo ug ang ikaupat Personal nga problema, apan miguwas sa imbestigasyon nga kining tanan mahitungod na sa Politika.
Matud pa dili pa sila 100 percent ang resulta sa ilang imbestigasyon tungod kay kamulo paman ang imbestigasyon niini.Pero gipamulong ni PD Diaz nga ang maong mga dinakpan adunay nay gihatag kanila nga mga pamahayag kalabot na sa pagpusil patay sa kapitan subay sa maong imbestigasyon nakita kanila nga ang pagpatay sa kapitan adunay gayuy kalabot sa politika.
Kahinumduman nga si Kapitan Dodoy Atad sa Barangay Macleodes gikatahong usa ka ligdong ug maabtikon nga political leader sa mga Jalosjos sa lungsod sa Polanco.
Si Pcol. Diaz mi saysay nga ang Dipolog ug Dapitan ang anaa nabutang sa Yellow Category tungod sa Political Rivalry, siya nag ahwag sa mga Politiko nga hatagan ug bili ang ilang napirmahan sa Peace Covenant nga adunay kahapsay ug kalinaw sa umaabot nga election ilabina karon nga gasugod na ang local campaign period.
Nag awhag usab siya sa mga katawhan nga mabinantayon sa palibot kung ugaling dunay mamatikdan nga dili maayong buhat sa palibot kinahanglan dayung itaho kini sa pinakaduol nga Police station.
News and photo: ANGELICA T. OBINA