Girespondehan sa Emergency Medical Services sa Liloy Municipal Fire Station ang usa ka emerhensiyang medikal sa Barangay Cabangcalan, Liloy human giingong kalit nga nawad-an og panimuot ang usa ka pasyente.
Sa pag-abot sa mga responder, ilang nasuta nga ang pasyente adunay panimuot, makatubag, ug gialalayan sa iyang paryente. Sumala sa pamilya, nawad-an kini og panimuot sa makadiyot sa wala pa miabot ang EMS, busa gilayon siyang gi-assess ug gibantayan sa mga responder.
Gipakalma sa EMS personnel ang pasyente ug gidasig nga maghinayhinay og ginhawa samtang padayon nga gisubay ang iyang vital signs. Human sa inisyal nga pag-atiman, namalik sa lig-on nga kahimtang ang pasyente.
Bisan pa sa tambag sa EMS nga ipaospital siya alang sa dugang ebalwasyon, midumili ang pasyente nga madala sa tambalanan. Gitambagan siya nga mangayo dayon og medikal nga tabang kon mobalik o mograbe ang iyang gibati.(JENIFFER JR. DELICA)
Source: BFP R9 Liloy Fire Station