Gipasayon sa Zamboanga del Norte Medical Center Medical Team ang pagdala sa unom ka mga pasyente ngadto sa Cebu City aron makaangkon og dugang ebalwasyon ug espesyalisadong pagtambal.
Lakip sa mga pasyente ang usa ka 61 anyos nga babaye gikan sa Dapitan City nga adunay giingong abdominopelvic mass, ug usa ka pasyente gikan sa Tampilisan nga adunay sakit sa kasingkasing. Girefer usab ngadto sa Vicente Sotto Memorial Medical Center ang upat ka pediatric patients nga una nang giatiman sa Zamboanga del Norte Medical Center.
Sumala sa Medical Team, ang matag patient transport nagkinahanglan og koordinasyon sa mga doktor ug ospital, pag-andam sa pasyente, pagpasabot sa mga watcher, ug pagkompleto sa referral aron masiguro ang padayon nga pag-atiman sa matag pasyente.
Nagpasalamat usab ang mga pamilya sa padayon nga suporta sa medical program sa Probinsiyal nga Pangagamhanan ubos ni Governor Darel Dexter Uy, pinaagi sa Zamboanga del Norte Medical Team nga gipangulohan ni Herdina Gallegos, uban ni Dra. Esmeralda Nadela, tungod sa padayon nga pagtabang sa mga pasyente sa lalawigan.(JENIFFER JR. DELICA)
Source: Zamboanga del Norte Medical Team