Gitabangan dayon sa Emergency Medical Responders sa BFP Dipolog City Fire Station ang usa ka nasamaran nga indibidwal sa Barangay Sta. Filomena, Dipolog City niadtog nilabay nga mga adlaw.
Pag-abot sa mga responder sa lugar, ilang nakit-an ang biktima nga nakalingkod sa daplin sa dalan ug adunay mga samad sa wala nga kilay ug sa duha ka tuhod.
Gihatagan dayon kini og unang tabang medikal pinaagi sa paglimpyo ug pagtambal sa mga samad samtang gisiguro usab ang kahimtang ug kaharuhay sa pasyente.
Human sa paghatag og first aid, gidala ang pasyente pinaagi sa ambulansya sa BFP ngadto sa Zamboanga del Norte Medical Center alang sa dugang nga pag-atiman ug eksaminasyon.(JENIFFER JR. DELICA)
Source: BFP R9 Dipolog City Fire Station