Gipahimutang ang mga banderitas sa Salug District Jail isip kabahin sa pagpangandam alang sa pagsaulog sa ika-128 nga Adlaw sa Kagawasan sa Pilipinas karong Hunyo 12.
Tumong sa maong kalihokan ang pagpalig-on sa patriotismo ug pagpahinumdom sa mga kawani ug Persons Deprived of Liberty o PDL sa kahinungdanon sa kagawasan, panaghiusa ug gugma sa nasud.
Sumala sa Salug District Jail, simbolo ang bandiritas sa garbo ug pagkahigugmaon sa mga Pilipino sa nasud, ingon man sa pagpasidungog sa mga bayani nga nakigbisog alang sa kagawasan sa Pilipinas.
Gilauman nga pinaagi niini mas mapalawom ang pag-apresyar sa mga sakripisyo sa mga bayani ug ang pag-angkon sa responsibilidad sa matag Pilipino sa pagpanalipod ug pagpalambo sa kagawasan nga ilang gipanag-iya karon.(JENIFFER JR. DELICA)
Source: Salug District Jail- BJMPR9