Naghatag og paspas nga medikal nga tabang ang Emergency Medical Responder sa BFP Dipolog City Fire Station ngadto sa usa ka babaye nga nasamaran sa Barangay Turno, Dipolog City niadtong nilabay nga adlaw.
Sa pag-abot sa mga responder sa lugar, ilang nasuta nga ang pasyente nga babaye anaa sa tunga sa dalan ug adunay panimuot. Sa inisyal nga pagsusi, nasayran nga adunay samad sa nawong ang maong pasyente.
Diha-diha dayong gihatagan kini og first aid pinaagi sa paglimpyo sa samad ug pagbutang og sterile dressing aron malikayan ang posibleng impeksyon ug mapadayon ang hustong pag-atiman.
Padayon usab nga gimonitor sa mga responder ang kahimtang sa pasyente samtang gisiguro ang iyang kaharuhay isip kabahin sa episyenteng paghatag og emergency medical response sa BFP Dipolog City Fire Station.(JENIFFER JR. DELICA)
Source: BFP R9 Dipolog City Fire Station