GIPAHIGAYON sa Department of Agrarian Reform o DAR-Zamboanga del Norte ang 2nd Quarter Sectoral Meeting aron hisgutan ang mga target, kalampusan, ug mga hagit sa pagpatuman sa mga programa sa agraryong reporma alang sa tuig 2026.
Gipangulohan ni Provincial Agrarian Reform Program Officer II Daisy Dell Suan Digamon ang maong tigom sa Top Plaza Hotel sa Dipolog City, diin gitimbang-timbang sa mga opisyal ug division heads ang ilang performance sa ikaduhang quarter ug gilatid ang mga estratehiya aron mas mapalambo ang paghatod sa serbisyo ngadto sa mga benepisyaryo.
Nagpresentar usab sa ilang mga report ang Support to Operations Division, Land Tenure Improvement Division, Program Beneficiaries Development Division, SPLIT Project, ug Legal Division, nga naglatid sa mga nahimo na ug mga lakang aron mapadayon ang episyenteng implementasyon sa mga programa.
Gipasiugda sa mga opisyal sa DAR ang ilang hiniusang pasalig sa pagpalig-on sa seguridad sa yuta ug paghatag og komprehensibong suporta ngadto sa mga benepisyaryo sa agraryong reporma sa tibuok Zamboanga del Norte.(JENIFFER JR. DELICA)
Source: DAR Zamboanga del Norte Province