Nagpatuman og Paskong Ligtas sa Sunog Roadshow ang mga personahe sa Liloy Fire Station atol sa Simbang Gabi niadtong nilabay nga adlaw sa Assumption of Mary Parish Church aron palig-onon ang fire safety awareness sa panahon sa kapaskuhan.
Ang kalihokan gipangulohan ni Acting Municipal Fire Marshal FINSP Dave C. Dela Cruz, nga nagtumong sa pagpahinumdom sa katawhan sa mga angay buhaton aron malikayan ang sunog, ilabi na sa paggamit sa kandila, dekorasyon, ug mga kagamitang elektrikal atol sa selebrasyon sa Pasko.
Human sa roadshow, gitagaan usab og libreng kape ug pan ang mga nagsimba, isip kabahin sa panaghiusa ug serbisyo publiko sa Bureau of Fire Protection sa pagpanalipod sa kinabuhi ug kabtangan sa komunidad.(JENIFFER JR. DELICA)
Photo Courtesy: BFP R9 Liloy Fire Station