Miabot na sa kapin 17,000 ka sako sa Pamaskong Handog ang naipanghatag sa City Government of Dapitan, nga nakaabot na sa 44 sa 50 ka barangay sa dakbayan o katumbas sa 88 porsiyento sa target beneficiaries.
Matud sa City Government, ipahunong una ang distribusyon aron hatagan og panahon ang City Councilors, city officials, personnel, barangay officials ug mga boluntaryo nga makapahuway ug makasaulog sa Pasko uban sa ilang pamilya. Mobalik ang distribusyon sa Enero 3, 2026.
Gipahinumdoman ang publiko nga ang Pamaskong Handog alang sa tanang panimalay sa Dakbayan sa Dapitan. Ang mga wala pa makadawat gihangyo nga makig-coordinate sa ilang Barangay Captain. Ang programa gipangulohan ni City Mayor Evelyn T. Uy, uban sa suporta ni Governor Darel Dexter Uy ug First District Congressman Pinpin Uy.(JENIFFER JR. DELICA)
Photo Courtesy: City Government of Dapitan