Gipahigayon kaniadtong Disyembre 21, 2025, alas dos sa hapon, sa Perfecto Cebeo Sports and Cultural Center ang PASIDUNGOG 2025: LGU Rizal Recognition and Awarding Ceremony, nga nagtumong sa pag-ila ug pagpasidungog sa kahusayan ug kalampusan sa nagkalain-laing sektor sa munisipyo.
Ang kalihokan nahimong usa ka hapon sa paghatag bili sa paningkamot, integridad, ug dedikasyon sa mga indibidwal ug grupo nga nakatampo sa kalamboan sa Rizal. Gipasidunggan ang ilang mga nahimo isip pamatuod sa ilang maayong serbisyo ug responsableng pagpangulo.
Pinaagi sa PASIDUNGOG 2025, gipakita sa LGU Rizal ang padayon nga komitment sa pag-ila sa kahusayan ug sa pagdasig sa katawhan sa pagpadayon sa matinud-anong serbisyo alang sa kaayohan sa komunidad.(JENIFFER JR. DELICA)
Source/Photo Courtesy: Municipality of Rizal