Gipahigayon niadtong Disyembre 22, 2025, alas nuebe sa buntag ang usa ka Community Awareness Campaign sa Barangay Sulangon, Dapitan City, nga gipangulohan sa City Crime Awareness and Development (CCAD) ubos sa liderato ni PCMS Marwin L. Cimafranca, CCAD PNCO, kauban ang 97th Infantry Brigade, 1st Infantry Division, ug 1st Zamboanga del Norte Provincial Mobile Force Company.
Ubos sa direktang pagdumala ni PLTCOL Eva Joy E. Capurcos, Chief of Police, nakigtambayayong ang mga kapulisan sa mga opisyal sa barangay ug mga tanod sa pagpatuman og house-to-house visitation. Gipang-apod-apod usab ang Information, Education, and Communication (IEC) materials aron mapalapad ang kahibalo sa mga residente kabahin sa kaluwasan ug responsableng pakigbahin sa komunidad.
Ang kalihokan nagtumong sa pagpalig-on sa panaghiusa tali sa kapulisan ug katawhan, pagpausbaw sa kahimtangan sa kaluwasan sa barangay, ug pagdasig sa aktibong partisipasyon sa komunidad sa pagpanalipod sa kalinaw ug kahapsay.(JENIFFER JR. DELICA)
Source/Photo Courtesy: Dapitan City Police Station ZNPPO