Naghatag og napulo ka laptop computers ang Hosanna Philippine Missionary ngadto sa Department of Education (DepEd) sa usa ka seremonya nga gipahigayon kaniadtong nilabay nga adlaw, nga gitambongan ni City Schools Division Superintendent Dr. Ma. Lisa R. Tabilon. Ang donasyon gi-representahan ni Mr. Mark Moldovan.
Gipang-apod-apod ang mga laptop sa mga magtutudlo sa DepEd aron masuportahan ang ilang panginahanglan sa teknolohiya ug mapalambo ang kalidad sa pagtudlo, ilabi na sa online ug blended learning. Gipahigayon ang seremonya sulod sa buhatan ni Mayor Roberto Y. Uy, nga mipasalamat sa Hosanna Philippine Missionary tungod sa dakong tabang sa sektor sa edukasyon.
Matod ni Dr. Tabilon, dako ang tabang sa mga laptop sa pag-andam sa leksyon, online activities, ug paggamit sa digital resources sa mga magtutudlo. Giila usab ni Mayor Uy ang papel sa mga non-government organizations sama sa Hosanna Philippine Missionary sa pagpalig-on sa edukasyon ug sa padayon nga kolaborasyon alang sa kaayohan sa komunidad.(JENIFFER JR. DELICA)
Source/Photo Courtesy: Zamboanga del Norte Provincial News Network