Gidawat sa mainitong paagi ni Mayor Arcel C. Antojado si PARPO II Daisy Dell Suan Digamon sa Department of Agrarian Reform Zamboanga del Norte atol sa iyang opisyal nga pagbisita sa Munisipyo sa Kalawit. Tumong sa maong pagbisita ang pagpahugot sa koordinasyon tali sa DAR ug sa lokal nga pangagamhanan.
Gipunting sa panagtagbo ang pag-uyon sa mga programa sa reporma sa yuta sa mga plano sa kalamboan sa lungsod, ilabina sa paghatag og suporta ug panginabuhi sa mga benepisyaryo sa agrarian reform. Gidiskutihan usab ang mga inisyatibo nga makatabang sa pagpausbaw sa sektor sa agrikultura ug paglambo sa kabuhayan sa mga mag-uuma.
Nagpasalig ang duha ka buhatan nga magpadayon sa pakigtambayayong aron mas mapalapad ang serbisyo ug masiguro ang epektibong pagpatuman sa mga programa sa gobyerno nga nagpalig-on sa agrikultura ug kalamboan sa kabaryuhan.(JENIFFER JR. DELICA)
Source: DAR Zambonorte