Misalmot sa gipahigayon nga Barangay Assembly ang mga personahe gikan sa Municipal Fire Station,didto sa Siayan Sports Complex, Barangay Poblacion, Siayan, Zamboanga del Norte niadtong Oktubre 25,2025.
Ang maong pagsalmot gihimo ubos sa pagdumala ni SFO2 Elmer C Alabata, Acting Municipal Fire Marshal, pinaagi ni FO1 Rolly A Georpe ug FO1 Bienjo G Pandac,diin alayon niini nga asembliya mao ang pag-edukar sa mga residente kon unsaon paglikay sa mga insidente nga may kalambigitan sa sunog, paggamit sa mga fire extinguisher, ug epektibong pagtubag panahon sa mga emerhensya.
Gipahimuslan sa mga personahe ang higayon nga makig-uban sa komunidad pinaagi sa pagpaambit sa hinungdanon nga mga tip sa kaluwasan,pagpataas sa kahibalo sa publiko ug pagtukod og mas luwas ug mas andam nga komunidad
Dugang pa, usa ka lecture usab ang gitanyag alang sa kaluwasan sa sunog, nga nagpasiugda sa kamahinungdanon sa pagkaandam ug pagkahibalo sa sa pag responde kung adunay emerhensya sama sa sunog.
Ang Bureau of Fire Protection pinaagi niini nga inisyatiba nagpakita sa padayon nga pasalig sa pagpalugway sa kahibalo kabahin sa lakang sa pagpugong panahon nga adunay insidente sa sunog.(MEDALYN U. BORJA)
Source: BFP Region 9 Siayan Fire Station