Mibisita kang Mayor Roberto Y. Uy ang Dipolog City Parole and Probation Office niadtong Marso 4 aron palig-onon ang koordinasyon sa lokal nga panggamhanan ug sa buhatan sa parole ug probation. Gipangunahan ang courtesy call ni Chief Probation and Parole Officer Jeanette F. Requina uban sa iyang mga kawani.
Gihisgutan sa panagtagbo ang padayon nga kolaborasyon sa pagpatuman sa mga rehabilitation programs ug community-based corrections initiatives sa siyudad. Tumong niini nga masiguro ang epektibong suporta sa mga kliyente nga ubos sa parole ug probation.
Gipasiugda ang kamahinungdanon sa lig-on nga panag-uban tali sa city government ug sa Parole and Probation Office aron mapalig-on ang reintegrasyon sa mga indibidwal balik sa komunidad.
Nagpadayon ang duha ka opisina sa pagtinabangay aron masiguro ang hapsay nga implementasyon sa mga programa nga nagtumong sa kalinaw, kaayohan, ug kausaban sa Dipolog City.(JENIFFER JR. DELICA)
Source: Dipolog City Government