Gisugdan niadtong Marso 4 sa Top Plaza Hotel sa Dipolog City ang tulo ka adlaw nga training kabahin sa Bag-ong Government Procurement Act ug sa Implementing Rules and Regulations niini. Ang kalihokan modagan hangtod Marso 6 ug nagtumong sa hustong pagpatuman sa Republic Act No. 120009.
Nagserbisyo isip resource person sa unang adlaw si Jeremias C. Barcenas, CPA, REA, REB, MBA, gikan sa Government Procurement Policy Board–Technical Support Office. Gitambongan kini sa mga opisyal sa gobyerno, procurement practitioners, supply officers, ug mga miyembro sa Bids and Awards Committees.
Gipahimangnoan ang mga partisipante sa mga yawe nga probisyon, compliance requirements, ug mga kausaban ubos sa bag-ong procurement framework aron mas masabtan ang tukmang proseso sa pagpalit sa gobyerno.
Pinaagi sa maong training, gipalig-on ang paningkamot sa gobyerno sa pagpatuman sa transparency, accountability, ug efficiency sa public procurement, aron masiguro ang andam ug hapsay nga implementasyon sa bag-ong balaod.(JENIFFER JR. DELICA)
Source: Zamboanga del Norte Provincial News Network