Mipirma og Memorandum of Agreement ang Local Government Unit sa Rizal ubos sa liderato ni Mayor Marissa D. Manigsaca kauban ang Department of Agriculture–Bureau of Fisheries and Aquatic Resources ug ang Purok 6 Sebaca Fisherfolk Association alang sa pagpatuman sa proyekto sa oyster culture gamit ang bamboo rafts.
Ang asosasyon napiling benepisyaryo ubos sa MARLIN Component, Sub-Component 2.1 nga nagpunting sa fishers livelihood diversification and development. Tumong sa proyekto ang pagdugang sa kita sa mga mangingisda, pagpalambo sa sustainable aquaculture practices, ug paglig-on sa ilang ekonomikanhong kahimtang.
Pinaagi sa maong kasabutan, gipalig-on sa LGU ang suporta sa community-based livelihood programs pinaagi sa pakigtambayayong sa national agencies aron masiguro ang padayon ug inklusibong kalamboan sa lungsod.
Nagpadayon ang paningkamot sa Rizal sa paghatag og dugang oportunidad sa mga mangingisda, uban ang tumong nga mapalambo ang ilang panginabuhian ug masiguro ang lig-on nga kaugmaon sa komunidad.(JENIFFER JR. DELICA)
Source: Municipality of Rizal