Nagpahigayon og Parent-Teen Talk ang City Government of Dipolog uban sa Commission on Population and Development o CMO-POPCOM ug ChildFund Philippines niadtong Mayo 29, 2026 sa Museo Dipolog aron mapalig-on ang relasyon ug pagsinabtanay tali sa mga ginikanan ug kabatan-onan.
Mitambong sa maong kalihokan ang mga opisyales gikan sa CMO-POPCOM, City Social Welfare and Development Office ug ChildFund Philippines nga mihatag og mga mensahe bahin sa responsableng pagginikanan, youth development ug maayong komunikasyon sulod sa pamilya.
Naghatag usab og mga lecture ang mga resource speakers kabahin sa pag-atiman sa relasyon sa ginikanan ug anak, husto nga paggiya sa kabatan-onan, ug pagpalig-on sa papel sa pamilya sa komunidad.
Gipasiugda sa maong programa ang kamahinungdanon sa bukas nga panagstorya ug pagsinabtanay aron malikayan ang mga problema sa kabatan-onan ug mapalig-on ang pundasyon sa matag pamilya sa Dipolog City.(JENIFFER JR. DELICA)
Source: Dipolog City Government