Nagtanyag og libreng medical check-up ang Provincial Government sa Zamboanga del Norte pinaagi sa One Stop Assistance Center o OSAC ug ZaNorte Medical Center alang sa mga residente nga gustong magpakonsulta sa visiting specialist doctors karong Mayo 29 ug 30, 2026.
Pagahimoon ang libreng konsultasyon sa Outpatient Department sa ZaNorte Medical Center sugod alas 8:00 sa buntag diin mohatag serbisyo sila Dr. Paolo Martin Serios nga Thoracic ug Vascular Surgeon ug Dr. Michael Burdador nga Cardiac ug Vascular Surgeon karong Mayo 29.
Sa Mayo 30, mohatag usab og libreng konsultasyon si Dr. Dino James Abong nga espesyalista sa OB-GYN alang sa mga pasyenteng nanginahanglan og serbisyo pangpanglawas.
Giawhag ang publiko nga magparehistro sayo ug dad-on ang mga daang laboratory results o medical records kon aduna aron mapadali ang konsultasyon ug hustong pag-atiman sa mga pasyente.(JENIFFER JR. DELICA)
Source: Zamboanga del Norte Medical Team