Mihatag og libreng notarial services ang mga Public Attorney gikan sa Public Attorney’s Office sa mga empleyado sa Provincial Capitol karong Pebrero 9, 2026, isip tabang sa pagproseso sa Personal Data Sheet ug Statement of Assets, Liabilities, and Net Worth.
Nahimo ang kalihokan pinaagi sa pagtugot ni Atty. Aniceto Tiempo, PAO District Head, ug sa suporta ni Gobernador Darel Dexter T. Uy, nga nagtumong sa pagpasayon ug pagpahapsay sa pagkatuman sa legal nga obligasyon sa mga trabahante sa probinsya.
Daghang empleyado ang nakabenepisyo sa maong serbisyo tungod sa dedikadong paningkamot ni Atty. Jo Anne O. Tayko-Cuevas ug Atty. Gandih Jim R. Bulado, Public Attorney II, nga nagpakita sa padayong serbisyo publiko sa PAO alang sa katawhan.(JENIFFER JR. DELICA)
Source: Zamboanga del Norte Provincial News Network