Gidayeg ni Mandaue City Mayor Thadeo “Jonkie” Ouano ang mga negosyante sa siyudad isip usa sa dakong kusog sa Mandaue tungod sa ilang paghatag og trabaho ug pagtabang sa ekonomiya.
Gipadayag kini ni Mayor Jonkie atol sa Mandaue Chamber of Commerce and Industry Business Summit 2026 kagahapon Agosto 13 sa Marco Polo Plaza Cebu. Kabahin kini sa selebrasyon sa Mandaue Business Month 2026.
Matod sa mayor, dako ang tabang sa mga negosyante tungod sa ilang padayong pamuhunan ug pagpadayon sa negosyo bisan pa sa mga hagit. Para kaniya, ang ilang pagsalig sa Mandaue nagpakita nga lig-on ang ekonomiya sa siyudad.
Gisaad usab ni Mayor Jonkie nga padayon nga suportahan sa City Government ang mga negosyante pinaagi sa mas paspas ug mas sayon nga serbisyo sa City Hall, lakip na ang digital services. Tumong niini nga mas sayon ang pagnegosyo ug mas daghan pa ang oportunidad sa trabaho sa Mandaue.
Gilauman sa mayor nga magpadayon ang panagtambayayong sa lokal nga kagamhanan ug business community aron mas molambo pa ang Mandaue ug mahimong mas lig-on ug kompetitibong siyudad sa umaabot.
📸 Cebu City PIO
I via Renante Socia Lada