Mipatoman ug Barangay Visitation ang mga personahe sa Leon B. Postigo Municipal Police Station (MPS) alang pakiglambigit sa komunidad nga gipahigayon didto sa Barangay Palandok, Leon B Postigo, ZN, niadtong Agosto 13,2026.
Ang pagbisita gihimo alang sa padayon nga pakiglambigit sa komunidad ug mga inisyatibo sa kalinaw ug kahusay nga ipatoman sa mga personahe sa kapulisan.
Si PSSg Joysie B Zamoras sa Leon B Postigo MPS atol sa kalihokan nakigkita sa mga opisyal ug residente sa barangay alang sa mga hisgutanan may kalabotan na kasamtangang sitwasyon sa komunidad ug pagpalig-on sa koordinasyon tali sa paulisan sa komunidad sa pagsulbad sa unsa mang matang sa mga kabalaka nga may kalabotan sa ilegal nga droga sa komunidad.
Gipunting sa hilisgotan ang kadaot nga dala sa epekto sa paggamit sa ilegal nga droga sa mga indibidwal, pamilya, ug komunidad.
Nagtataw sa kamahinungdanon nga kaamgohan ngadto sa komunidad, pagbantay, ug tukma sa panahon nga pagreport sa mga gidudahang ilegal nga kalihokan sama sa droga ngadto sa hustong mga awtoridad.
Giawhag sa mga opisyal ang mga residente sa barangay sa aktibong pag apil sa mga programa nga nagpasiugda sa pagpugong sa droga.
Usa ka paagi sa pagpalig-on sa panagtambayayong tali sa pulisya ug sa barangay pinaagi sa bukas nga komunikasyon ug kooperasyon ilabi na ngadto sa pagpanalipod sa mga kabatan-onan nga adunay usa ka luwas ug malinawon nga palibot.
Ang PNP personnel subli nga mihatag sa ilang pasalig sa pagmintinar sa kalinaw ug kahusay ug pagsuporta sa matag barangay pinaagi sa mga paningkamot nga mapugngan ang mga ilegal nga kalihokan ug ang epekto sa droga aron sa ingon niini mapanalipdan ang komunidad.(MEDALYN U. BORJA)
Source: PNP Leon B.Postigo Municipal Police Station