Naghiusa ang mga information officer sa Cebu aron tabangan ang mga tawo nga makaila sa tinuod ug bakak nga impormasyon. Tumong niini nga mapugngan ang pagsabwag sa fake news.
Gilunsad sa Cebu Provincial Government ug Cebu League of Public Information Officers ang duha ka programa atol sa Information Officers Congress sa Capitol. Usa niini ang kampanya batok sa fake news, samtang ang usa kay para sa pagdasig sa mga estudyante nga mobasa.
Maghimo usab og video contest batok sa fake news. Ang matag distrito makapili og usa ka mananaog nga modala sa ilang entry sa provincial competition.
Gilunsad usab ang “Basa Ta, Cebu”.
Adunay mobile library nga mobisita matag semana sa mga eskwelahan aron maghimo og mga kalihokan sa pagbasa. Matod ni Gov. Pamela Baricuatro, ang mga tawo nga naanad mobasa mas kahibalo mohuna-huna ug mas lisod mailad sa bakak nga impormasyon.
📸 Cebu Province PIO
I via Renante Socia Lada