Nagpahigayon og coordination meeting ang City Agriculture Office uban sa nagkadaiyang ahensya ug stakeholders niadtong Mayo 12 sa Museo Dipolog alang sa pagpangandam sa 2026 Bankathon Race sa Dipolog City.
Gihisgutan sa maong tigom ang organisasyon ug logistical preparations aron masiguro ang hapsay nga dagan sa kalihokan nga kabahin sa opening activities sa P’gsalabuk Festival 2026.
Sumala sa mga organisador, tumong sa maong preparasyon nga mapalig-on ang koordinasyon sa tanang ahensya ug sektor nga maapil sa maong kompetisyon aron malikayan ang problema panahon sa kalihokan.
Ang 2026 Bankathon Race ipahigayon sa Mayo 15 sa D’ Food Hub and Events Center ubay sa Dipolog Boulevard diin gilauman ang pag-apil sa mga bangkero ug mga manan-aw gikan sa nagkadaiyang lugar.(JENIFFER JR. DELICA)
Source: Dipolog City Government