Gipanalanginan ang bag-ong fire truck sa Municipality of Sindangan isip kabahin sa pagpalig-on sa kahandam sa lokal nga panggamhanan batok sunog ug uban pang emerhensya.
Gipangulohan ang maong kalihokan nila Mayor Glona Labadlabad ug Vice Mayor Florentino “Boy” Sy uban sa mga opisyal sa Bureau of Fire Protection nga sila Fire Superintendent Richard C. Timosa, Fire Inspector Francis Carl T. Paulite ug SFO1 Benjie C. Dadan.
Sumala sa lokal nga panggamhanan, dako’g ikatabang ang bag-ong fire truck aron mas mapaspas ug mapalambo ang pagresponde sa mga insidente sa sunog ug uban pang kalamidad sa munisipyo. Gilauman usab nga mas mapalig-on pa ang koordinasyon tali sa LGU ug BFP alang sa kaluwasan sa katawhan.
Gipasiugda usab sa maong seremonya ang importansya sa panaghiusa ug kahandam sa pagpanalipod sa kinabuhi ug kabtangan sa matag Sindanganon samtang padayon nga nagpalig-on ang munisipyo sa ilang disaster response capability.(JENIFFER JR. DELICA)
Source: Municipality of Sindangan