Nadawat na sa mga panimalay sa Barangay Banonong, Dakbayan sa Dapitan ang ilang 10 ka kilong bugas isip Fiesta Gift nga kabahin sa selebrasyon sa Kinabayo 2026.
Gipahigayon ang house-to-house nga pag-apod-apod sa pagpanguna ni Mr. Iolus Adasa ug sa iyang grupo aron masiguro nga matag giila nga panimalay makadawat sa maong ayuda.
Sumala sa City Government of Dapitan, hapsay nga nahuman ang pag-apod-apod sa barangay isip kabahin sa padayon nga paghatag og suporta ug pagpaambit sa selebrasyon ngadto sa mga Dapitanon.
Gipasalamatan usab sa dakbayan ang mga kaabag sa nasyonal ug lokal nga panggamhanan, lakip ang City Social Welfare and Development Office, sa ilang suporta aron madala ang maong ayuda ngadto sa mga panimalay sa Barangay Banonong.(JENIFFER JR. DELICA)
Source: City Information Division- Dapitan