Nagcourtesy visit kang Mayor Eddie Justin T. Quimbo ang National Bureau of Investigation o NBI Dipolog District Office nga gipangulohan ni Special Agent Vine A. Perocho, Chief sa NBI Dipolog District Office, niadtong Hulyo 20, 2026.
Kabahin sa maong panagkita ang pagpalig-on sa koordinasyon ug panagtambayayong tali sa NBI ug sa Local Government Unit sa Gutalac aron mas mapauswag ang pagpatuman sa mga programa nga nagpalig-on sa kalinaw, kahapsay, ug seguridad sa komunidad.
Gipasiugda usab sa duha ka panig ang kamahinungdanon sa padayon nga komunikasyon ug maayong relasyon tali sa mga ahensya sa gobyerno aron masiguro ang episyente ug patas nga paghatag og serbisyo publiko alang sa mga lumulupyo sa Gutalac.
Gipasalamatan sa LGU Gutalac ang NBI Dipolog sa ilang pagbisita ug sa padayon nga suporta sa mga inisyatibang nagtinguha sa kaluwasan ug kaayohan sa mga Gutalacnon.(JENIFFER JR. DELICA)
Source: LGU-Gutalac Public Information