Misulod sa validation stage ang Search for Best MUGNA Initiatives human gipahigayon sa City Youth Development Unit pinaagi sa MUGNA Awards Technical Working Group ang ocular inspection ug site visit sa mga partisipanteng proyekto niadtong nilabay nga mga adlaw.
Gitumong sa maong kalihokan ang pagkuha og unang kamot nga impormasyon, pag-interbyu sa mga benepisyaryo ug pag-validate sa mga dokumentong gisumite pinaagi sa pagbisita sa aktuwal nga lugar sa matag proyekto.
Gihatagan usab sa Technical Working Group og mga rekomendasyon ug pagdayeg ang mga partisipanteng proyekto base sa mga obserbasyon sa Panel of Judges atol sa panel screening aron mas mapalambo pa ang ilang mga inisyatiba.
Pagahiusahon ang resulta sa panel screening ug ocular inspection aron matino ang modaog sa Search for Best MUGNA for Children, Youth and Community Initiative karong tuiga.(JENIFFER JR. DELICA)
Source: Dipolog City Development Youth Office