Gibalhin sa Zamboanga del Norte Medical Team ang usa ka 53 anyos nga lalaking pasyente gikan sa Zamboanga del Norte Medical Center ngadto sa Southwestern Medical Center niadtong Hulyo 13 aron makadawat og espesyalisadong pagtambal.
Gi-refer ang pasyente human madayagnos nga adunay posibleng malignant urinary bladder mass nga giubanan sa thrombocytopenia, kasakit sa scrotum ug constipation, nga nagkinahanglan og dugang nga ebalwasyon ug espesyal nga pagdumala sa iyang kahimtang.
Gipahigayon ang luwas nga pagbalhin sa pasyente sa tabang ni Nurse Ayessa Louise G. Ducusin ug Ambulance Driver Clyde Giangan, nga nagsiguro sa padayon nga pag-atiman ug kaluwasan sa pasyente samtang nagbiyahe.
Kabahin kini sa padayon nga paningkamot sa Provincial Government of Zamboanga del Norte sa paghatag og mas sayon nga access sa serbisyong panglawas pinaagi sa Zamboanga del Norte Medical Team.(JENIFFER JR. DELICA)
Source: Zamboanga del Norte Medical Team