Gipasidunggan sa Zamboanga del Norte Police Provincial Office (ZNPPO) kaniadtong Agosto 31,2026,ang duha ka mga personahe sa kapulisan kinsa nagbilin ug legasya sa pagpanerbisyo pinaagi sa programa nga “Salamat Kapatid” nga usa ka Pagpasidungog sa Kabilin sa Pag-alagad.
Gipangulohan ni PCOL REYDANTE E. ARIZA, Direktor sa Probinsya, ang makahulugong kalihokan nga gipahigayon sa Parade Grounds sa Camp Lt. Deogracias G. Hamac, Sicayab, Dipolog City.
Gipasalamatan ug gidayeg niini ang taas nga tuig sa matinud-anong pag-alagad ug dakong natampo nila PEMS Eliezer Dela Cruz Tampipi ug PMSg Patrick Lacaya Abitona sa tibuok panahon nga sila nagserbisyo sa katawhan ug sa Philippine National Police.
Ang programa dili lamang yano nga pagpanamilit ,kini usa ka pagpasalamat sa ilang serbisyo, sa panaghigalaay nga ilang naangkon, sa mga hagit nga ilang naatubang, ug sa dakong epekto sa ilang pagtuman sa katungdanan.
Ang ilang dedikasyon dako og natampo sa pagmintinar sa kalinaw ug kahusay ug sa pagpanalipod sa katawhan nga ilang nanumpa nga alagaan.
Sa ilang pagsulod sa bag-ong yugto sa kinabuhi, ang tibuok ZNPPO nagpahayag sa kinasingkasing nga pasalamat ug pagtahod sa ilang dungganong serbisyo.(MEDALYN U. BORJA.)
Source: PNP Zamboanga del Norte Police Provincial Office