Gidawat ni Municipal Mayor Glona G. Labadlabad, uban si Congresswoman Irene “Ate Ai” Labadlabad, ang mga opisyal sa Professional Regulation Commission alang sa usa ka courtesy meeting sa Sindangan aron hisgutan ang pagpalig-on sa koordinasyon ug mga oportunidad alang sa mga programa ug serbisyo.
Mitambong sa maong panag-istoryahanay sila PRC Regional Director Alfonso C. Viloria, Chief Professional Regulations Officer Erl C. Villagonzalo, Chief Finance and Administrative Division Gladys Claire R. Enot, ug Attorney IV May S. Carreon.
Gipunting sa maong courtesy meeting ang posibilidad sa mas lig-on nga panagtinabangay tali sa lokal nga kagamhanan ug PRC aron mapaduol sa katawhan sa Sindangan ug sa tibuok ikaduhang distrito ang mga serbisyo ug oportunidad sa gobyerno.
Pinaagi sa padayon nga koordinasyon ug pakigtambayayong, gilauman nga mas mapalig-on ang paghatag og responsive government services ngadto sa komunidad.(JENIFFER JR. DELICA)
Source: Municipality of Sindangan