Nahimong malipayon ug puno sa panalangin ang adlaw sa mga molupyo sa Barangay Osukan Labason Zamboanga del Norte human malampusong gipahigayon ang programa sa pagpahatag sa bugas alang sa matag pamilya sa komunidad, kaniadtong Agosto 31,2026.
Ang kalihokan nagtumong sa paghatag og tabang ug pagpakabana sa kahimtang sa mga pamilya sa maong barangay.
Gipasalamatan sa komunidad ang walay-kapoy nga suporta ni Mayor Hon. Jed Quimbo sa lungsod sa Labason, ingon man ang mainayong pagtinabangay ug suporta ni Governor Darel Uy. Ang ilang panaghiusa ug pag-alagad nagdala og dakong paglaum ug panalangin sa matag panimalay sa Labason.
Gidayeg usab ang maayong pagpatuman sa kalihokan nga gipangulohan ni Barangay Chairman Dodong Gulfere ug sa tibuok niyang katiguman.
Ang maong programa nagpakita sa padayon nga paningkamot sa kagamhanan sa lungsod ug sa probinsya aron matabangan ug mahatagan og kahupayan ang mga kinahanglanon sa mga lumolupyo.(MEDALYN U. BORJA)
Source: Quimbo Tayo