Nagpahigayon ug usa ka kalihokan sa pagpangandam ug pagtabang sa panahon sa kalamidad ang lokal nga pangagamhanan sa Gutalac ubos sa liderato ni Municipal Mayor Eddie Justin Quimbo, uban ang Municipal Disaster Risk Reduction and Management Office (MDRRMO), aron masiguro nga andam ug protektado ang mga Gutalacnon batok sa mga hulga sa kalikupan.
Gipasiugdahan ni Mayor Quimbo ang maong kalihokan isip kabahin sa iyang proaktibo nga programa sa paghatag og “Excellent Just Quality Service”, diin gihatagan ug gibug-aton ang kahandaan, kaluwasan, ug pagkahiusa sa komunidad.
Giatol sa kalihokan ang pagpatuman sa disaster preparedness drills, relief operations simulation, ug information drive kabahin sa mga paagi sa paglikay ug pagresponde sa kalamidad.
Gisuportahan usab sa MDRRMO ang kalihokan pinaagi sa pagpakita sa mga kagamitan ug pasilidad nga magamit sa panahon sa emerhensiya, lakip na ang rescue vehicles, early warning devices, ug emergency communication equipment.
Pinaagi sa maong kalihokan, nagpabilin nga modelo sa kahandaan ug pagkahiusa ang Gutalac sa tibuok probinsya, uban ang padayon nga pagpaningkamot ni Mayor Eddie Justin Quimbo aron masiguro ang kaluwasan, kalig-on, ug kaayohan sa tanan nga Gutalacnon.(IKEN B. GULLEM)
Photo courtesy: LGU Gutalac -Public Information