Mikortesiya kang Salug Mayor Dr. Ruth M. Brillantes ang mga opisyal sa Salug District Jail aron hisgutan ang mga programa ug prayoridad nga lakang alang sa pagpalambo sa pasilidad ug serbisyo sa bilanggoan.
Atol sa maong pagbisita, gipresentar ni Jail Warden JCINSP Arnan L. Matangal ang mga plano ug mga prayoridad nga inisyatiba nga nagtumong sa pagpalig-on sa pag-atiman ug rehabilitasyon sa mga Persons Deprived of Liberty o PDL.
Nahimong higayon usab ang panagtagbo aron mapalig-on ang koordinasyon tali sa Salug District Jail ug sa Lokal nga Panggamhanan sa Salug sa pagpatuman sa mga programa nga makatampo sa mas episyente nga pagdumala sa pasilidad.
Padayon nga gipalig-on sa duha ka opisina ang ilang panagtinabangay aron mapauswag ang mga serbisyo ug programa alang sa kaayohan sa mga PDL ug sa komunidad. (JENIFFER JR. DELICA)
Source: Salug District Jail- BJMPR9