Gipahigayon sa National Police Commission o NAPOLCOM Region IX ang assessment sa performance ni Dipolog City Mayor Roberto Y. Uy isip Deputy of the Commission atol sa courtesy visit sa City Mayor’s Office.
Gipangulohan ni NAPOLCOM Regional Director Atty. Pablito M. Abad Jr. ang delegasyon nga mitambong sa maong kalihokan, uban sa ubang mga opisyal sa komisyon. Nagtambong usab si Dipolog City Chief of Police PLTCOL Kishna B. Asaali ug City Legal Officer Atty. Goldie Love P. Gonzales.
Gisusi sa assessment ang pagtuman sa City Chief Executive sa iyang katungdanan isip representante sa komisyon sa pagdumala ug pagmonitor sa kapulisan sa lokal nga lebel.
Kabahin ang maong kalihokan sa padayon nga paningkamot sa NAPOLCOM sa pagpalig-on sa koordinasyon ug pag-evaluate sa papel sa mga local chief executives sa ilang supervisory functions ibabaw sa Philippine National Police.(JENIFFER JR.DELICA)
Source: Dipolog City Government