Gipili pag-usab si Jodilyn Tatad isip Indigenous Peoples Mandatory Representative o IPMR sa Piñan atol sa General Assembly ug Selection Process nga gipahigayon aron mapili ang opisyal nga representante sa Indigenous Cultural Communities ngadto sa Sangguniang Bayan.
Gipahigayon ang maong proseso aron masiguro ang malinawon, hapsay, ug transparent nga pagpili sa representante sa mga Lumad, uban sa aktibong partisipasyon sa mga miyembro sa Indigenous Cultural Communities.
Ang pagkapili pag-usab ni Tatad nagpakita sa padayon nga pagsalig ug suporta sa iyang komunidad sa iyang pagpangulo ug representasyon sa ilang sektor sa lokal nga panggamhanan.
Sumala sa Lokal nga Panggamhanan sa Piñan, padayon nilang suportahan ang mga programa nga nagpalig-on sa partisipasyon, katungod, ug representasyon sa mga Indigenous Peoples alang sa mas inklusibo nga pagdumala.(JENIFFER JR. DELICA)
Source: Mayor Rommel Gudmalin